البارحة والناس غافيـن وهجـوع
جتنـي هجوسـي ورداً سارياتـي
والليل طال وخط الإرسال مقطـوع
يا ليل يا طولك متى الصبـح ياتـي
قزرت ساعاتك على ثومـة الكـوع
مالـي نديـم إلا الثـلاث الخواتـي
صفر الدلال اللي بها الهيل مشموع
بأشكـال و أرناقـا معـه لايقاتـي
وأصبحت من كثر الهواجيس مفجوع
وأفكـار قلبـي شـرداً سارحاتـي
يا سائلاً تسأل ترى الصوت مسموع
وما نشر بالصفحـة قريتـه بذاتـي
سويت لي مشروع من غير مشروع
والزمتنـي بالـرد دون شهـواتـي
أكيد عندك يا فتى الجـود موضـوع
وإلا مسوي بـك زمانـك سواتـي
مسقيك من علقات الأيـام قرطـوع
وتسمع صراعي فيـه ومغامراتـي
فان كان هذا الأمر بالشكل والنـوع
خـل الأمـر لمكـون الكاينـاتـي
ساير زمانك كان لك قلب وضلـوع
وارج الفـرج بأيامـك المقبلاتـي
وان كان ما طاعتك خلك لها طـوع
ما انته بضاربهـا برمـح الزناتـي
أما سؤالـك مـا جوابـه بممنـوع
ولو للحيـاة أسرارهـا الخافياتـي
أجاوبك لو ما معي منـك منفـوع
تحب تعرف كيـف قصـة حياتـي
حياة ذيباً عايـش الفقـر والجـوع
ليلـه يبـات وليلـة مـا يبـاتـي
أعيش عيشة ذيب والرأس مرفـوع
وان قلّ مالي عـزّ نفسـي غناتـي
[/url]
الرئيسية
بوابة قرية كونوها 
أحدث الصور
من طرف apram الثلاثاء أكتوبر 16, 2012 6:23 am
المزاج
