الـــــعـــــطــاوي!!

ياقلب لاتحزن على كاينٍ كان
مش الامور وعدها بالتساوي
لوكان عدلت القوافي والاوزان
مال العمى ياكود مثله عماوي
تتعب وتقطف وردةٍ قطفها حان
وتمدها ماخذتها بالرشاوي
تنحت بجلمود الصخر سر وإعلان
والكايده دايم عليها رهاوي
لابد ماتلقى خبر كان ماكان
لاحافها من لبس بشتٍ حساوي
اللي على وضح النقى يقرع الزان
ويقول للغاوي حشى منت غاوي
اللي يطّبل لارقص دان واادان
الله يكافينا البلا والبلاوي
البارحه خلان واليوم عدوان
والسيل يمك يالضعّيف نحاوي
ودي اغادر دون مجرّح ولا انسان
في صمت برحل من شيوخ الفتاوي
شتان بين الامس واليوم شتان
العلم مايحتاج قاضي سماوي
الوضع مزري بين ابو فلان وفلان
تخالفت من بينهم بالعزاوي
احدٍ عل حصانه وفي كفه اعنان
وأحدٍ على غفله يصير العطاوي